യുഎഇയിലെ നിവാസികള് ഇപ്പോള് ഈദുല് ഫിത്തറിന്റെ നീണ്ട അവധി ദിനങ്ങള് ആസ്വദിക്കുകയാണല്ലേ? അടുത്ത നീണ്ട അവധി എപ്പോഴായിരിക്കും എന്നല്ലേ നിങ്ങള് ചിന്തിക്കുന്നുണ്ടാകുക അല്ലേ? എന്നാല് ഇതാ അറിഞ്ഞോളൂ. യുഎഇയിലെ വാർത്തകളും വിവരങ്ങളു തത്സമയം അറിയുവാൻ വാട്ട്സ്ആപ്പ് ഗ്രൂപ്പൽ അംഗമാകുക https://chat.whatsapp.com/IFwZd0YzoSVCnmIGPZS4b7
അറഫാ ദിനം, ഈദ് അല് അദ്ഹ: 5 ദിവസത്തെ അവധി
ഇസ്ലാമിലെ ഏറ്റവും പവിത്രമായ ദിവസമായി കണക്കാക്കപ്പെടുന്ന, ദുല് ഹിജ്ജ 9 ന് അറഫാ ദിനം ആചരിക്കുന്നു. ഈദ് അല് അദ്ഹ അതിന്റെ മൂന്ന് ദിവസങ്ങളിലാണ് ആഘോഷിക്കുന്നത്. അനുബന്ധ ഗ്രിഗോറിയന് കലണ്ടര് തീയതികള് ജൂണ് 16 ഞായര് മുതല് ജൂണ് 19 ബുധന് വരെയാണ്. വാരാന്ത്യം (ജൂണ് 15 ശനി) ഉള്പ്പെടെ, അഞ്ച് ദിവസത്തെ നീണ്ട അവധി ലഭിക്കും.
ഇസ്ലാമിക പുതുവത്സരം: ഒരു ദിവസത്തെ അവധി
ഹിജ്രി വര്ഷത്തിലെ ആദ്യ ദിവസമായ മുഹറം 1, ജൂലൈ 7 ഞായറാഴ്ച വരുമെന്ന് പ്രതീക്ഷിക്കുന്നു. ഞായറാഴ്ച വാരാന്ത്യ അവധിയില്ലാത്തവര്ക്ക് ഇത് ഒരു അവധി ദിവസമാണ്.
മുഹമ്മദ് നബി (സ)യുടെ ജന്മദിനം
ഇത് റാബി അല് അവ്വല് 12-ന് ആണെന്ന് വിശ്വസിക്കപ്പെടുന്നു. ഗ്രിഗോറിയന് കലണ്ടറിലെ തീയതി വ്യക്തമല്ല.
ദേശീയ ദിവസം
വര്ഷത്തിലെ അവസാനത്തെ ദൈര്ഘ്യമേറിയ ഔദ്യോഗിക അവധിയാണിത്. ഡിസംബര് 2, 3 തീയതികള് യഥാക്രമം തിങ്കള്, ചൊവ്വ ദിവസങ്ങളില് വരുന്നു. ശനി-ഞായര് വാരാന്ത്യവുമായി കൂടിച്ചേര്ന്നാല്, നാല് ദിവസത്തെ നീണ്ട അവധി ലഭിക്കും.
ജീവനക്കാര്ക്ക് ഒരു വര്ഷത്തില് എടുക്കാവുന്ന 30 വാര്ഷിക അവധികള്ക്ക് പുറമേയാണ് ഈ അവധികള്. യുഎഇയിലെ ഭൂരിഭാഗം പ്രവാസികളും തങ്ങളുടെ രാജ്യങ്ങളിലേക്ക് യാത്ര ചെയ്യുന്നതിന് വാര്ഷിക അവധികള് ഉപയോഗിക്കുന്നതായി കഴിഞ്ഞ കുറച്ച് മാസങ്ങളായി നടത്തിയ ഒന്നിലധികം യാത്രാ സര്വേകള് വെളിപ്പെടുത്തുന്നു. അവര് പൊതു അവധി ദിനങ്ങളും നീണ്ട വാരാന്ത്യ അവധികളും അവധിക്കാലത്തിനോ താമസത്തിനോ വേണ്ടി നീക്കിവയ്ക്കുന്നു.