യുഎഇ നിവാസികള്‍ മറ്റുള്ളവരുടെ സ്വകാര്യത ലംഘിക്കുന്ന വിവിധ രീതികളെക്കുറിച്ച് അധികൃതര്‍ ഓര്‍മ്മിപ്പിച്ചു. അബുദാബി ജുഡീഷ്യല്‍ ഡിപ്പാര്‍ട്ട്മെന്റ് abu dhabi judicial authority ഇന്‍സ്റ്റാഗ്രാമില്‍ അപ്ലോഡ് ചെയ്ത വീഡിയോയില്‍, ചുറ്റുമുള്ളവരുടെ സ്വകാര്യതയെക്കുറിച്ച് എങ്ങനെ ശ്രദ്ധിക്കണമെന്ന് നിവാസികള്‍ കാണിച്ചു കൊടുക്കുന്നു.
ഫോട്ടോഗ്രാഫുകളോ വീഡിയോകളോ സോഷ്യല്‍ മീഡിയയില്‍ പോസ്റ്റുചെയ്യുകയോ ഒരാളുടെ സ്വകാര്യതയെ ഹനിക്കുന്ന കമന്റുകള്‍ ഇടുകയോ ചെയ്താല്‍ ആറ് മാസത്തെ തടവും 500,000 ദിര്‍ഹം വരെ പിഴയും ലഭിക്കും. നിങ്ങള്‍ ചുറ്റുമുള്ളവരുടെ സ്വകാര്യതയെക്കുറിച്ച് കൂടുതല്‍ ശ്രദ്ധാലുവായിരിക്കേണ്ടത് അനിവാര്യമാണ്.
ഒഴിവാക്കേണ്ട മൂന്ന് പ്രവൃത്തികള്‍ ഇവയൊക്ക.
അപകടങ്ങളുടെ ഫോട്ടോ എടുക്കല്‍
അപകടങ്ങളുടെയോ ഇരകളുടെയോ ചിത്രങ്ങളോ വീഡിയോകളോ എടുക്കുന്നത് അവരുടെ സ്വകാര്യതയുടെ ലംഘനമായതിനാല്‍ അത് ഒഴിവാക്കണമെന്ന് അതോറിറ്റി താമസക്കാരോട് ആവശ്യപ്പെട്ടിട്ടുണ്ട്. ഇത്തരം ഫോട്ടോകള്‍ എടുത്ത് അയക്കുന്നതോ ഓണ്‍ലൈനില്‍ പോസ്റ്റ് ചെയ്യുന്നതോ കുറ്റകരമാണ്.
മറ്റുള്ളവരുടെ ഫോട്ടോ എടുക്കല്‍
പൊതു അല്ലെങ്കില്‍ സ്വകാര്യ സ്ഥലങ്ങളിലോ മറ്റുള്ളവരുടെ ചിത്രങ്ങള്‍ എടുക്കുന്നതും അത്തരം സൂക്ഷിക്കുന്നതും കുറ്റകരമാണെന്ന് താമസക്കാരെ അറിയിച്ചിട്ടുണ്ട്.
ലൊക്കേഷന്‍ ട്രാക്കിംഗ്
അവസാനമായി, ഒരാള്‍ എവിടെയാണ് ഉണ്ടായിട്ടുള്ളതെന്ന ലൊക്കേഷന്‍ ട്രാക്കുചെയ്യുന്നത് അല്ലെങ്കില്‍ നിരീക്ഷിക്കുന്നത് നിയമവിരുദ്ധമാണെന്ന് അതോറിറ്റി മുന്നറിയിപ്പ് നല്‍കി. അത്തരം വിവരങ്ങള്‍ കൈമാറുന്നതും പകര്‍ത്തുന്നതും സൂക്ഷിക്കുന്നതും നിയമവിരുദ്ധമാണ്. യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/JxRiqR7KGM35HvbbRMSFHo
അബുദാബി ജുഡീഷ്യല്‍ ഡിപ്പാര്‍ട്ട്മെന്റ് പോസ്റ്റ് ചെയ്ത വീഡിയോ ചുവടെ: