karnataka police : പ്രവാസിയുടെ ഭാര്യയേയും മക്കളെയും വീട്ടില്‍ അതിക്രമിച്ച് കയറി വെട്ടിക്കൊന്നു; മാതാവിന് ഗുരുതര പരിക്ക്

പ്രവാസിയുടെ ഭാര്യയേയും മക്കളെയും വീട്ടില്‍ അതിക്രമിച്ച് കയറി വെട്ടിക്കൊന്നു. ഉഡുപ്പി ജില്ലയില്‍ മല്‍പെ പൊലീസ് സ്റ്റേഷന്‍ പരിധിയില്‍ ആണ് സംഭവം karnataka police . ഞായറാഴ്ച പ്രവാസിയുടെ ഭാര്യയേയും മൂന്ന് മക്കളേയും അക്രമി വീട്ടില്‍ അതിക്രമിച്ച് കയറി വെട്ടിക്കൊല്ലുകയായിരുന്നു. സൗദി അറേബ്യയില്‍ ജോലി ചെയ്യുന്ന കെമ്മണ്ണു ഹമ്ബന്‍കട്ടയിലെ നൂര്‍ മുഹമ്മദിന്റെ ഭാര്യ ഹസീന (46), മക്കള്‍ അഫ്‌നാന്‍(23), ഐനാസ്(21), അസീം (12) എന്നിവരാണ് കൊല്ലപ്പെട്ടത്. നൂര്‍ മുഹമ്മദിന്റെ മാതാവിനെ ഗുരുതരമായി പരിക്കേറ്റ് ആശുപത്രിയില്‍ പ്രവേശിപ്പിച്ചു.
ഞായറാഴ്ച രാവിലെ 8.30നും ഒമ്പതിനും ഇടയിലാണ് നാട് നടുക്കിയ സംഭവം നടന്നത്. വീട്ടിലേക്ക് ഇരച്ചുകയറിയ മാസ്‌ക് ധാരിയായ അക്രമി ഹസീനയുമായി വാക്ക്തര്‍ക്കത്തിന് പിന്നാലെ വെട്ടുകയായിരുന്നു. പുറത്ത് കളിക്കുകയായിരുന്ന മക്കള്‍ മാതാവിന്റെ കരച്ചില്‍ കേട്ട് അകത്തു കയറിയതും അവരേയും വകവരുത്തി. കൊല്ലപ്പെട്ട അഫ്‌നാന് എയര്‍ ഇന്ത്യ കമ്പനിയിലാണ് ജോലി. ഐനാന്‍ കോളജിലും അസീം എട്ടാം ക്ലാസിലും പഠിക്കുന്നു.
അക്രമിയെ വീടിന് മുന്നില്‍ ഇറക്കിയ ഓട്ടോറിക്ഷ ഡ്രൈവര്‍ ശ്യാം നജറിനെ നടുക്കം വിട്ടകലുന്നില്ല. സന്തെകട്ട സ്റ്റാന്റിലെ ഓട്ടോ ഡ്രൈവറാണ് ശ്യാം. ‘അയാള്‍ മാസ്‌ക് ധരിച്ചിരുന്നു. പുറത്ത് നീളമുള്ള ബാഗ് തൂക്കിയിട്ടിരുന്നു. ആ വീടിന് മുന്നില്‍ ഇറക്കി 15 മിനിറ്റ് കഴിഞ്ഞപ്പോഴേക്കും അയാള്‍ സ്റ്റാന്റില്‍ മടങ്ങിയെത്തി. ഇത്ര വേഗം മടങ്ങുമെങ്കില്‍ താന്‍ കാത്തുനില്‍ക്കുമായിരുന്നു എന്ന് പറഞ്ഞതും അയാള്‍ തിടുക്കത്തില്‍ മറ്റൊരു റിക്ഷയില്‍ കയറിപ്പോയി’-ശ്യാം പറഞ്ഞു.
കേസ് അന്വേഷണത്തിന് അഞ്ച് പ്രത്യേക സംഘങ്ങളെ നിയോഗിച്ചതായി ഉഡുപ്പി ജില്ല പൊലീസ് സൂപ്രണ്ട് അരുണ്‍ കുമാര്‍ അറിയിച്ചു. കരാവലി ബൈപാസിലാണ് രണ്ടാമത്തെ റിക്ഷ ഡ്രൈവര്‍ അക്രമിയെ ഇറക്കിയത്. ബംഗളൂരു ചുവയുള്ള കന്നടയാണ് അയാള്‍ സംസാരിച്ചതെന്നാണ് വിവരം.

Related Posts

Leave a Reply

Your email address will not be published. Required fields are marked *

© 2024 Pravasiclick - WordPress Theme by WPEnjoy